Шавкат Мирзиёевнинг 5 апрель куни халқ таълимидаги ишларга бағишланган йиғилишида Самарқанд вилояти ҳокими Эркинжон Турдимов таълим ривожига бефарқ бўлмаган тадбикорларнинг хайрли ишларини қайд этиб ўтди. Ушбу ҳолат «Менимча» кўрсатувида намойиш этилди.
«Бир мисол айтишим мумкин, 71-мактабимиз уч сменали эди. Шу ерда ўқиган тадбиркор йигитимиз олдимга келиб, рухсат берсангиз, мактабни бузиб ташлаб ўрнига янги мактаб қурсам. Уни бир сменали қилиб бераман, деди. У мактабга 7 миллиард ажратиб, мактабни тўлиқ қайта таъмирлаб берди. Шу ўқув йилининг ўзида тадбиркорларимиз томонидан 18 миллиард сўм ҳомийлик маблағлари мактаблар учун берилди», — дейди Самарқанд вилояти ҳокими.
Президент мактаб қуриб берган тадбиркорни мукофотлашини айтди.
«Шу 7 миллиард қўяман деган тадбиркорни мукофотлашга бергин. Мен уни мукофотлайман. Мен ундан миннатдорман», — дейди Шавкат Мирзиёев.
Мавзуга доир:
- Ўзбекистонда 1 сентябрдан бошлаб мактаб директорларини сертификатлаш тизими жорий этилади
- Ўзбекистонда бир қатор табиий ва аниқ фанлар бўйича ҳам халқаро сертификат олган ўқитувчиларни рағбатлантириш тизими жорий этилади
- Ўзбекистонда мактаб ўқувчиларини янги методика асосида қайта тайёрлаш бўйича умуммиллий лойиҳа бошланади
- «Мактаб таълими эски қолипдан чиқа олмаяпти». Шавкат Мирзиёев мактаблардаги энг катта муаммо ўқитиш методикасининг эскиргани эканини айтди
Изоҳ (0)