Иско «Барселона»га текинга ўтиши мумкин. «Реал» бунга қаршилик қилмайди

«Реал» ярим ҳимоячиси Иско фаолиятини бошқа клубда давом эттиришга яқин турибди.

Sport.es нашрининг ёзишича, футболчи ёзда «Барселона»га ўтиши мумкин.

Манбага кўра, хориж клубларидан бўлаётган қизиқишларга қарамай Иско Испанияда қолмоқчи. Аввалроқ 29 ёшли футболчига асосий даъвогар «Севилья» бўлиб тургани айтилганди. Бироқ вазиятга каталонлар ҳам аралашган.

Исконинг «Реал» билан шартномаси 2022 йилнинг июнида якунига етади. Клуб у билан шартномани узайтирмайди. Футболчи 2013 йилдан бери «қироллик клуби»да тўп суриб келади. Бу вақт ичида у 350 та ўйинда майдонга тушиб, 53 та гол ва 56 та голли узатмани ўз номига ёздириб қўйган.

2021/22 йилги мавсумда эса барча мусобақалар доирасида 14 та ўйин ўтказиб, 2 та голга муаллифлик қилди.