ОКМКда биринчи чорак муваффақиятли якунланди

Кўп минг сонли Олмалиқ кон-металлургия комбинати меҳнат жамоаси йилнинг биринчи чорагини сарҳисоб қилди.

ОКМКда бошқарувнинг тўғри йўлга қўйилиши ва технологик ишлаб чиқариш режимига қатъий амал қилиниши натижасида, 2022 йилнинг биринчи чорагида барча ишлаб чиқариш башорат кўрсаткичлари бажарилишига эришилди.

Жумладан, ҳисобот даврида 7,6 триллион сўмлик маҳсулотлар ишлаб чиқарилди. Режа 119,4 фоизга уддаланди.

Шунингдек, 921,6 миллион сўмлик халқ истеъмоли моллари ишлаб чиқарилиб, режа 108,1 фоизга бажарилди.

Мис рудаси қазиб олиш бўйича режа 101,8 фоизга бажарилди.

Мис катоди ишлаб чиқариш ва ўсиш суръатида ҳам 100 фоизлик натижа қайд этилган.

Маҳаллий ашёдан рух металини ишлаб чиқариш бўйича режа эса 101,7 фоизга бажарилиб, 123,5 фоизлик ўсиш суръати таъминланган.

Полиметалл руда қазиб олиш вазифаси ва ўсиш суръатида ҳам бир хил 100 фоизлик натижа кузатилмоқда.

Полиметалл рудани қайта ишлаш режаси эса 102,8 фоизга уддаланиб, 102,3 фоизлик ўсиш суръати қайд этилган.

Олтин таркибли руда қазиб олиш режаси 103,1 фоиз, ўсиш суръати 101,2 фоиз бўлган.

Ушбу рудаларни қайта ишлаш вазифаси 103 фоизга бажарилиб, 101,1 фоизлик ўсиш суръатига эришилган.

Маълумот шериклик ҳуқуқи асосида тайёрланди.