«Пахтакор» ҳужумчиси Драган Черан Суперлига 4-тури доирасида «Навбаҳор»га қарши кечган ўйинда (1:0) жамоасининг ягона голига муаллиф бўлди.
Бу сербиялик футболчи учун Ўзбекистон чемпионатидаги 100-гол бўлди. Черан ушбу кўрсаткични қайд этган чемпионат тарихидаги иккинчи легионерга айланди. Гол уриш борасида чет эллик футболчилар орасида Драган фақат Артур Геворкяндан ортда қолмоқда.
Черан 100 та гол уриш учун 140 та ўйин сарфлаган, футболчи бу голларни 19 хил жамоа дарвозасига киритган.
Маълумот учун, Драган Ўзбекистондаги фаолиятини 2016 йилда «Насаф» сафида бошлаган. 2018 йилдан бери эса «Пахтакор» шарафини ҳимоя қилиб келади.
Изоҳ (0)