Давлат солиқ қўмитасининг кескин танқидий-таҳлилий руҳда ўтказилган навбатдаги ҳайъат мажлисида 13 нафар Давлат солиқ инпексияси бошлиғи лавозимдан олинди, деб хабар беради қўмита матбуот хизмати.
Ҳайъат мажлисида I чорак якунлари бўйича солиқ органлари фаолият кўрсаткичлари таҳлил қилинган ва президентнинг 16 март куни Давлат солиқ қўмитасига ташрифи давомида белгилаб берган вазифаларининг сўзсиз ижро этилиши масалалари муҳокама қилинган.
Шунингдек, йиғилишда эришилган ютуқлар билан бир қаторда, йўл қўйилган хато ва камчиликлар ҳамда мавжуд муаммолар очиқ ва кескин равишда танқид қилинган. Жумладан, солиқ маъмурчилигини таъминлаш, солиқ базасини кенгайтириш ҳисобига қўшимча даромадларни жалб этиш ва юклатилган вазифаларни бажаришда йўл қўйган хато ва камчиликлари учун:
- йирик солиқ тўловчилар бўйича ҳудудлараро давлат солиқ инспекцияси, Қашқадарё ва Тошкент вилояти Давлат солиқ бошқармаси, Когон ҳамда Андижон шаҳар Давлат солиқ инспекцияси раҳбарларига нисбатан навбатдаги интизомий жазо чоралари белгиланган;
- Андижон, Олот, Зомин, Пахтакор, Фориш, Учқўрғон, Қўшработ, Ургут, Жарқўрғон, Термиз, Сирдарё, Гулистон туманлари ҳамда Янгиер шаҳар Давлат солиқ инпексиялари бошлиқлари лавозимидан озод этилди;
- бундан ташқари, солиқ қарзини мажбурий ундиришга қаратишда йўл қўйган хато ва камчиликлари учун Асака, Чироқчи, Мингбулоқ, Ургут, Мирзаобод, Сардоба, Бағдод, Қумқўрғон туманлари ҳамда Қувасой ва Жиззах шаҳар Давлат солиқ инспекциялари бўлим бошлиқлари лавозимидан озод этилган;
- савдо ва хизмат кўрсатиш соҳасида «Солиқ ҳамкор» тизими орқали тушган мурожаатлар билан ишлаш ҳамда ушбу йўналишда назорат тадбирларини амалга оширишдаги жиддий хато ва камчиликлари учун Нукус, Жиззах ва Андижон шаҳарлари, Ғиждувон, Чироқчи, Кармана, Поп, Ургут ҳамда Бекобод тумани ДСИ Сайёр солиқ текширувлари бўлим бошлиқлари ҳам лавозимидан озод этилган.
Ҳайъат йиғилишида Давлат солиқ қўмитаси раиси ўринбосарларининг ҳисоботлари эшитилиб, шахсий масъулияти белгиланган.
Изоҳ (0)