«Ливерпуль» ва «Манчестер Юнайтед» Бангкокда ўртоқлик учрашуви ўтказади. Бу ҳақида мерсисайдликлар расмий сайти маълум қилди.
Ушбу ўйин 12 июль куни Таиланд пойтахтидаги «Ражамангала» стадионида бўлиб ўтади. Клублар ўша ердаги ижтимоий ва маданий лойиҳаларда ҳам фаол иштирок этиши кўзда тутилган.
«Ливерпуль» билан ўйиндан ташқари манкунианликлар ёзги тур доирасида Австралияда яна иккита ўйин ўтказади. 15 июль куни Мелбурнда маҳаллий «Мелбурн Виктори» жамоаси билан, 19 июль куни эса ўша шаҳарда «Кристал Пэлас» билан тўқнаш келади.
Юрген Клопп шогирдлари ушбу мавсум АПЛда 69 очко билан 2-ўринда бормоқда, «қизил иблислар» эса 50 очко билан 6-поғонадан жой олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)