АҚШ президенти Жо Байден 30 март куни коронавирус пандемиясига қарши кураш мавзусидаги чиқишидан кейин Оқ уйда иккинчи бустер доза вакцина билан эмланди, деб хабар беради «Интерфакс».
Оқ уй маълумотларига кўра, президенти Pfizer компаниясининг вакцинаси билан эмланган.
«Коронавирус билан боғлиқ ҳозирги вазият пандемия якунланганини билдирмайди, у ҳаётимиз COVID-19’га боғлиқ эмаслигини англатади», — дейди Байден вакцинация аввалида.
«Ревакцинация қўшимча ҳимоя даражаси каби муҳим, шу сабабли бугунги чиқишим якунлангач, шу ернинг ўзида иккинчи бустер дозани олишни режалаштиряпман», — деган АҚШ президенти.
Америка етакчиси, шунингдек, ҳукумат томонидан вируснинг тарқалишини кузатиш мумкин бўлган махсус сайт ишга туширилаётганини маълум қилган. АҚШ фуқаролари у орқали бепул вакцинация, мустақил равишда COVID-19га тест топшириш, юқори сифатли ҳимоя ниқоблари ҳақида маълумотлар олиши мумкин.
Бундан ташқари, Байден коронавирус пандемиясига қарши курашда эришилган ютуқлар, хусусан, корхона ва мактабларнинг қайта ишга тушганини таъкидлаб ўтган.
Эслатиб ўтамиз, Жо Байден коронавирусга қарши вакцинанинг учинчи — бустер дозасини 2021 йилнинг сентябрида олганди. Ўшанда вакцинация жараёни Байденнинг Twitter’даги саҳифаси орқали бевосита трансляция қилинган.
Изоҳ (0)