«Барселона» президенти Хоан Лапорта Европа Суперлигаси лойиҳаси ёпилмаганини айтди.
Суперлига яшаяпти. Судни кутяпмиз ва эркин рақобат ҳуқуқимизни ҳимоя қиламиз. Ва у ғалаба қозонади.Аввалроқ Европа Суперлигаси ғоясини қўллаб-қувватловчи «Барселона», «Реал» ва «Ювентус» ёзда ўртоқлик ўйинлари ташкиллаштирмоқчилиги ҳақида хабарлар чиққан эди.Энди Суперлига ёпиқ эмас очиқ турнир. Лойиҳа ривожланмоқда. У, албатта, дунёдаги энг жозибадор мусобақага айланади. Суперлига Чемпионлар Лигасининг такомиллаштирилган версияси бўлиши мумкин.
Барчаси УЕФА билан келишув орқали якунланади, деб ўйлайман. Ҳаммаси шу йўл билан кетади, лекин клублар жараённи назорат қилади.
Давлатлар томонидан молиялаштириладиган клублар УЕФА билан ҳамкорлик қилмоқда, улар бу орқали истаган ишини қилиш ҳуқуқини қўлга киритиб, Европа футболи хўжайинига айланиб олади, бундай бўлмаслиги керак. Бошқа клублар омон қолиши учун бунга йўл қўймаслик очиқ-ойдин кўриниб турибди.
Жуда кўп инглиз жамоалари Суперлигани қўллаб-қувватлайди, аммо бу ҳақида баланд овозда гапирмайди. Чунки иш ҳали судда кўриб чиқилмоқда.
Хоан Лапорта, «Барселона» президенти
2021 йилнинг 18 апрель куни 12 клуб бошчилигида Европа Суперлигасига асос солинганди. Орадан икки кун ўтиб қатор клублар бирин-кетин лойиҳани тарк эта бошлади ва Суперлига лойиҳаси вақтинча тўхтатилди.
Изоҳ (0)