28 март куни Ўзбекистонга яна 2 108 400 доза Moderna вакцинаси келтирилди. Вакциналарни етказиб бериш COVAX механизми орқали UNICEF билан ҳамкорликда амалга оширилган.
Маълум қилинишича, COVAX дастури доирасида қабул қилинган дозаларнинг умумий сони 19,24 миллионга етган.
COVAX — ЖССТ, GAVI ва CEPIvaccines ва UNICEF’ни бирлаштирган глобал ташаббус. UNICEF вакциналарни сотиб олиш ва етказиб беришда етакчи рол ўйнайди.
COVAX механизми доирасида, UNICEF 2022 йил ўртасига қадар COVID-19 га қарши яна 24,6 миллион доза вакцина етказиб беришни режалаштирган.
Эслатиб ўтамиз, Ўзбекистонга 2022 йилнинг февралида Moderna вакцинасининг 2,8 миллиондан ортиқ дозаси, март ўрталарида 2 миллион дозага яқин Pfizer вакцинаси, 17 март куни эса Япониядан 201 600 доза AstraZeneca вакцинаси олиб келинганди. Бундан ташқари, UNICEF шприцлар, хавфсизлик қутилари ва шахсий ҳимоя воситалари каби хавфсиз эмлаш воситаларини харид қилган ва етказиб берган.
Изоҳ (0)