Умумреспублика акцияси доирасида пойтахтимизда «Яшил макон» ташаббускорлари — Тошкент шаҳар ҳокимлиги ва Тошкент шаҳар ободонлаштириш бош бошқармаси томонидан манзарали дарахтлар кўргазмаси ташкил этилди. Акциядан кўзланган мақсад — шаҳардаги экологик вазият ва ҳаво сифатини яхшилаш.
Кўргазмада 150 дан ортиқ манфаатдор ташкилот ва компаниялар, жумладан, AKFA Group ҳам иштирок этди.
19 март куни корхона раҳбарияти ва ходимлари томонидан Миробод тумани, Афросиёб кўчаси бўйлаб бир нечта дарахт кўчатлари ўтқазилди.
«Биз учун экологик акцияларда иштирок этиш барқарор ривожланиш стратегиясининг бир қисмидир. Умид қиламизки, бундай кенг кўламли лойиҳа мамлакатимиз аҳолисини бирлаштиради, ҳар йили кўчат экиш эса фуқаролар учун яхши анъанага айланади», — деди AKFA Group бош директори Камрон Ғуломов.
«Яшил макон» ташаббуси доирасида 10—20 март кунлари шаҳарнинг марказий ва гавжум кўчалари бўйлаб, 10 минг туп дарахт кўчатлари режалаштирилди ва ўтқазилди. Жараён маҳаллий ва хорижий мутахассислар назорати остида амалга оширилди.
Атроф-муҳитни муҳофаза қилиш ташаббуслари аллақачон компания амалиётида мустаҳкам ўрнатилган. Ўз фаолиятини амалга ошириш ва мана шундай «яшил» акцияларда иштирок этиш орқали AKFA Group экология соҳасида барқарор ривожланиш тамойилларига мувофиқ атроф-муҳитни муҳофаза қилиш соҳасида самарадорликни оширишга интилади.
Реклама ҳуқуқи асосида.
Изоҳ (0)