Ўзбекистон ҳукумати апрелдан Россия билан мунтазам темир йўл қатновларини қайта тиклаш ниятида. Бу ҳақда транспорт вазири Илҳом Маҳкамовга таяниб, «РИА Новости» хабар берди.
«Ҳозирда россиялик ҳамкасбларимиздан рухсат кутяпмиз. Прогнозлар бор, 1 апрелдан барчаси йўлга тушади деган умиддамиз», — дейди Маҳкамов Тошкентда ўтказилган биринчи Халқаро инвестиция форумида.
Транспорт вазирлиги раҳбари 2020 йилнинг мартида коронавирус пандемияси сабаб Россия билан тўхтатилган темир йўл транспортларининг қайта тикланиши муҳим аҳамиятга эга эканини таъкидлаган.
«Фақат авиақатновларга боғланиб қолиш тўғри эмас. Чунки ҳозирда бу каби қатновларга муҳтож кўплаб одамлар бор», — дея қўшимча қилади Маҳкамов.
Эслатиб ўтамиз, Ўзбекистонда илк бор коронавирус аниқланган 2020 йил 16 мартдан бошлаб темир йўл транспорти қатновлари тўхтатилган эди. 2020 йилнинг 15 августидан маҳаллий авиа ва темир йўл қатновлари босқичма-босқич тикланган. 2022 йил 1 апрелдан бошлаб Ўзбекистондан Қозоғистонга темир йўл қатновлари босқичма-босқич қайта тикланмоқда.
Изоҳ (0)