Ижтимоий тармоқларда мактаб ва боғчалардан болаларни ўғрилашга уринаётган аёл ҳақида хабарлар тарқалди. Тошкент шаҳар Ички ишлар бош бошқармаси ҳолатга муносабат билдирди.
Қайд этилишича, 18 март куни Тошкент шаҳар ИИББга фуқаро П.К. (1990 йилда туғилган) мурожаат қилган. У Юнусобод туманидаги болалар боғчаси олдида номаълум аёл тургани ва ўзини ғалати тутаётганини, кимни қидираётгани сўралганида, адашиб қолганини маълум қилгани ҳақида хабар берган.
Ҳолат юзасидан ўтказилган текширув жараёнида боғча олдида турган аёл Наманган вилоятида яшовчи И.К. (1988 йилда туғилган) экани, руҳий-асаб касалликлари диспансерида рўйхатда туриши аниқланган. Аёл 2016 йилда фарзанди ва онаси билан ЙТҲга учраган. Оқибатда онаси вафот этган, ўзи эса руҳий касал бўлиб қолган.
«Фуқаро И.К. томонидан болаларни ўғирлашга уриниш ҳолати бўлмаганини маълум қиламиз», — дейилади хабарда.
Мавзуга доир:
Изоҳ (0)