2022 йилнинг февраль ойида автомобиль тўхташ жойлари хизматларининг нархлари январь ойига нисбатан, яъни бир ойда ўртача 0,3 фоизга қимматлашди. Бу ҳақда Давлат статистика қўмитаси хабар берди.
Автомобиль тўхташ жойлари хизматларининг нархлари 2021 йилнинг мос даври билан солиштирилганда, яъни бир йилда ўртача 12,1 фоизга қимматлашган.
Аввалроқ 2022 йилда Тошкентнинг 10 та марказий кўчаларда давлат-хусусий шериклик асосида автомобилларнинг автоматлаштирилган йўл бўйи пуллик тўхташ жойлари ташкил этилиши тўғрисида хабар берилганди. Хусусан, Фидокор, Амир Темур, Нукус, Братислава, Миробод, Глинка, Авлиёота, Шевченко, Саид Барака, Моштабиб ва Якуб Колас кўчаларида.
Шунингдек, Тошкент шаҳрининг магистрал кўчалари, жумладан, Келес йўли, Аҳмад Дониш, Боғишамол, Буюк ипак йўли, Махтумқули, Фарғона йўли, Лутфий, Бешқайрағоч, Кўкча дарвоза ва Беруний кўчаларидаги 11 та автобус йўналишида алоҳида бўлаклар ташкил этилади. Бу ишлар 2026 йилга қадар амалга оширилади. Жорий йил охирги чорагида фақат Аҳмад Дониш кўчасида алоҳида йўлак ишга туширилади.
Изоҳ (0)