Стриминг хизматлар — контент генераторлари
Бугун медиа соҳаси юқори тезликда тараққий этмоқда. Apple +, HBO Max, Disney +, Amazon Prime ва бошқа кўплаб стриминг гегемонлар бугун нафақат миллионлаб обуначига эга платформалар, балки ўз контенти, жумладан, фильм ҳамда сериалларни мунтазам ишлаб чиқараётган улкан медиа конвейерларга айланишга улгурди. Аввалига телеканал ёки оддий хизмат тури бўлган компаниялар ўз стриминг платформасини яратишди. Бироқ кучли рақобат сабаб, платформалар ўз продакшн ҳамда медиа ишлаб чиқариш соҳасига эҳтиёж сеза бошлашди. Натижада қачонлардир стриминг бўлган хизматлар, бугун ҳар қандай кино компаниялар билан рақобатлаша оладиган йирик студияларга айланди.
Хўш, бугун стриминг платформаларнинг оммалашишига ва миллионлаб обуначига эга бўлишига нима сабаб бўлмоқда? Биринчидан, бу эксклюзив контент. Масалан, Кевин Спейси иштирокидаги «Қартали уй» сериали телевидение орқали намойиш этилган. Лекин интернетдаги томошабин ушбу сериалнинг бутун мавсумини бир кунда кўриш имкониятига эга. Иккинчидан, стриминг платформаларидаги контент цензурадан мустасно. Телевизион намойишлар билан чекланмаган стриминглар энг «нозик» ҳамда «ўткир» мавзулар ҳақида гапириш имкониятига эга. Учинчидан эса платформалар ўзи ишлаб чиқаётган лойиҳаларга таниқли режиссёрлар ҳамда йирик продюсерларни жалб қилмоқда.
iTV originals.
Бугун мамлакатимизда ҳам Ғарб платформаларидан қолишмайдиган стриминг хизматлар пайдо бўлди. Улардан бири, турли қурилмаларда видео контентни кўриш учун қулай имкониятларга эга «iTV.uz» мульти-платформасидир. Эндиликда «iTV.uz» сервиси ўзининг эксклюзив контенти — кино ва сериалларни суратга олишни бошлади. Мақсад — янги, маҳаллий томошабинлар учун тамоман янгилик бўладиган ва стриминг хизмати ичида намойиш этиладиган «шахсий» сериални суратга олиш. Шунинг учун платформа бу йўналишдаги илк медиа маҳсулотларини ишлаб чиқарадиган ижодий жамоага — iTV originals.’га асос солди. Ёш ижодкорлардан ташкил топган iTV originals.’нинг илк лойиҳаси «Шовқин» фильмидир. Режиссёрлар Отабек Йўлдошев ва Сардор Маҳмудов суратга олган мазкур фильм триллер йўналишида бўлиб, адолатсизлик, айрилиқ ҳамда тақдирнинг аянчли «ўйинлари» мавзуларини ўзида мужассам этади. Мазкур лойиҳа шу ном остида давом этиши кутилаётган сериалнинг пилот серияси бўлиб, маҳаллий интернет тармоғида учрамаган «экспериментал» хусусиятга эга. Сериалда нафақат триллер, балки контент менежментда аввал учрамаган илмий фантастика ва чуқур психологик драма элементлари ҳам мавжуд. iTV originals. ўз медиа маҳсулотларини яратилишда фокус гуруҳлар орқали жамоатчилик фикрини чуқур таҳлил қилиб, янги жанрларни омма қизиқишини ҳисобга олган ҳолда платформага қўшиб боради. Платформа ижодий жамоаси ўз аудиторияси билан интерактив алоқада бўлиб, ўз фаолиятини томошабин ва кенг жамоатчиликнинг талаб ва таклифларини ўрганган ҳолда давом эттиришни мақсад қилган.
Платформанинг қулайликлари
«iTV.uz» ҳар хил ёш тоифасидаги томошабинлар учун мўлжалланган ва бир нечта тилда томоша қилса бўладиган контентдан иборат. «iTV.uz» кўплаб халқаро компания ва платформалар билан ҳамкорликни йўлга қўйган. Улар ичида Walt Disney Company, 20th Century FOX, Amediateka, Start.ru, More.tv каби чет эл ҳамда Rizanova, NevoFilms, NavoTV, GMD каби маҳаллий медиа маҳсулот ишлаб чиқарувчи ҳамда тарқатувчиларини кўриш мумкин. Бу нима дегани? Бу фойдаланувчиларга ҳамкорлар томонидан тақдим этиладиган контентни расмий форматда, сифатли ўзбек тилига таржима қилиш имконини беради. «iTV.uz» хизмати барча турдаги медиа контентни ўзида мужассам этган бўлиб, фойдаланувчиларга фильмлар, мультфильмлар ва сериалларнинг улкан каталоги, оммабоп телеканаллар, интерактив видеолар, мусиқий контент ҳамда эксклюзив жонли эфирларни тақдим этади. Бугун «iTV.uz» Голливуднинг етакчи студиялари томонидан ишлаб чиқарилган кино релизларни ўзбек тилида, профессионал актёрлар иштирокидаги сифатли дубляжда томошабинлар эътиборига ҳавола қилишни йўлга қўймоқда. Болажонлар учун маҳсус дубляж қилинган «Тру ва камалаклар мамлакати»ни мультсериалини кўриб дубляж сифатига баҳо беришингиз мумкин.
iTV originals. томонидан яратилган «Шовқин» лойиҳасининг тақдимоти 2022 йилнинг 24 март санасида, барча стриминг сервисларнинг анъанасига мувофиқ, мульти-платформанинг ўзида, яъни «iTV.uz»да бўлиб ўтади. Қолаверса, тақдимот кунида фильм «iTV.uz»нинг YouTube’даги расмий саҳифасига ҳам жойланади.
Реклама ҳуқуқи асосида.
Изоҳ (0)