Тошкентдаги «Ўзбекистон» халқаро анжуманлар саройида Шавкат Мирзиёевнинг соғлиқни сақлаш соҳаси вакиллари билан «Ўзбекистон тиббиёти — инсон қадри учун» мавзусидаги очиқ мулоқоти бўлиб ўтди. Унда иштирок этган Жаҳон соғлиқни сақлаш ташкилотининг Ўзбекистондаги вакили Лиан Куппенс Ўзбекистонда сўнгги беш йилда тиббиёт соҳасидаги ўзгаришлар ҳақида гапирди.
«Ўзбекистондаги фаолиятимни беш йил олдин бошлаганман. Сиз сайланганингиздан кейин бироз фурсатдан сўнг бу ердаги ваколатимни бошладим. Шунинг учун беш йиллик кузатувларим билан ўртоқлаша оламан.
Жуда ҳам катта ўзгаришлар ва ислоҳотлар гувоҳи бўлдим. Айниқса, бу ерда даволашдан кўра кўпроқ касалликни олдини олишга урғу берилишига, вертикал бошқарувдан бевосита горизонтал кенг қамровли ёндашувга асос солинганига гувоҳ бўлдим.
Йигирма беш йил давомида турли мамлакатларда ваколатим бўйича иш олиб бордим. Шу нарсани очиқ-ойдин айтишим мумкинки, сиздек шижоатли, юксак мақсадларни кўзлаган, серғайрат президентни кўрмадим.
COVID-19 пандемияси бошланганидан кейин сизнинг бевосита етакчилигингиз остида қисқа фурсатда пандемияни назорат остига олишга, салбий таъсирини минимал даражага туширишга муваффақ бўлинди.
Ўзбекистон буни қандай бошқарганлиги, назоратга олганлиги намуна қилса арзийдиган аъло даражадаги ечимлардир», – Лиан Куппенс.
Мавзуга доир:
- «Нима учун мен иқтисодчини вазир қилиб қўйдим?» Шавкат Мирзиёев соғлиқни сақлаш соҳасидаги ҳисоб-китобни жойига қўйиш кераклиги ҳақида гапирди
- Шавкат Мирзиёев 3 мингдан ортиқ маҳаллалар аҳолиси оилавий шифокорлик пунктига бориш учун 75 километргача йўл босишга мажбур бўлаётгани ҳақида гапирди
- «Оилавий поликлиникаларда иш вақти соат 20:00 гача узайтирилади. Уларда ишлайдиган ходимларга қўшимча устама тўланади» — Шавкат Мирзиёев
Изоҳ (0)