Андижон шаҳрида муқаддам фирибгарлик жинояти учун судланган аёл яна машина олиб беришни ваъда қилиб, пул олгани аниқланди, деб хабар бермоқда Тергов департаменти.
Қайд этилишича, 2021 йил июль ойида Х.О. (47 ёшли) ўзганинг мулкини фирибгарлик йўли билан қўлга киритиш мақсадида Андижон шаҳар Қўшариқ даҳасида яшовчи А.И.ни (аёл, 42 ёшли) ишончига кирган. Уни алдаб, заводдан чиқаётган Nexia-3 автомашинасидан олиб беришини айтиб, жами 18 миллион 600 минг сўм пулларни олган. Берган ваъдасини бажармасдан, пулларни ўзининг шахсий эҳтиёжлари учун сарфлаб юборган.
Ҳолат юзасидан Х.О.га нисбатан Жиноят кодекснинг 168-моддаси 3-қисми «а» банди (кўп миқдорда фирибгарлик) билан жиноят иши қўзғатилган. Ҳозирда тергов ҳаракатлари олиб борилмоқда.
Мавзуга доир:
- Қорақалпоғистонда фуқарога балиқ етиштиришга мўлжалланган кўл ва 200 гектар ерни расмийлаштириб бермоқчи бўлган шахс ушланди
- Фарғонада Кореяга ишга юборишни ваъда қилиб, 2500 доллар олган шахсга жиноят иши қўзғатилди
- Фарғонада фуқарога 1 млрд сўм кредит олиб бериш учун 30 млн сўм сўраган банк мутахассиси ушланди
Изоҳ (0)