Бугунги кунда мамлакатда нақд доллар ёки евро тақчиллиги ҳолатлари кузатилмаяпти. Бу ҳақда Марказий банк раиси Мамаризо Нурмуратов хабар берди.
Унинг айтишича, тижорат банклари ички бозорда нақд хорижий валюта етарлилигини таъминлаб келмоқда. Мавжуд нақд валюта захиралари ўртача 3-4 ойлик нақд айирбошлаш операцияларига бўлган талабни тўлиқ қондира олади.
2020 йилда пандемиянинг бошланғич даврида авиақатновлар бўйича аксарият давлатлар томонидан киритилган чекловлар сабабли тижорат банклари томонидан нақд хорижий валютанинг мустақил олиб келиниши қийинлашган эди. Бундай вазиятда Марказий банк томонидан нақд хорижий валютани олиб келиш жараёнини марказлашган ҳолда ташкил этилиб, тижорат банкларига тақдим этилган.
Келгусида тақчиллик вазиятлари юзага келадиган бўлса, албатта, нақд валютани марказлашган тартибда олиб келиш бўйича зарурий чоралар кўрилади, — дейди Марказий банк раиси.Ҳозир жисмоний шахлар учун нақд хорижий валютани Ўзбекистондан олиб чиқиб кетиш 100 млн сўм эквивалентидан ошмаган суммада амалга оширилиши мумкин, юридик шахслар учун нақд хорижий валютани мамлакат ҳудудидан олиб чиқиб кетиш тақиқланган. Ушбу талаб норезидентлар учун ҳам амал қилади.
Бугунги кунда нақд хорижий валюта амалиётлари бўйича қўшимча талаблар ёки чекловлар киритилиши режалаштирилмаган, — деди Мамаризо Нурматов.Унинг фикрича, ўрта муддатли истиқболда капитал оқимини либераллаштириш, маҳаллий ва хорижий инвесторларни жалб қилиш учун қулай шарт-шароитлар яратиш, молия бозорларини такомиллаштириш бўйича ислоҳотларни жадаллаштириш бўйича ишлар амалга оширилади.
Инфляцияни таргетлаш режимига ўтаётган Ўзбекистон учун тўғридан-тўғри валюта чекловларининг жорий этилиши орқага қадам бўлади, — деб таъкидлади у.Аввалроқ Марказий банк асосий ставкани 3 фоизга ошириб, 17 фоизга кўтаргани ҳақида хабар берилган эди.
Изоҳ (0)