Бухоро шаҳрида жойлашган «Мохи Хосса» туғруқхонасида 23 ёшли аёл вафот этгани тўғрисида хабарлар тарқалди. Бош прокуратура матбуот хизмати ҳолатга муносабат билдириб, терговга қадар текширув ҳаракатлари олиб борилаётганини маълум қилди.
Аниқланишича, Бухоро шаҳрида яшаган аёл (1999 йилда туғилган) 9 март куни туғиш учун касалхонага келиб, эгизак фарзандларни дунёга келтирганидан икки кун ўтиб, вафот этган.
Вилоят соғлиқни сақлаш бошқармаси бошлиғининг оналик ва болаликни муҳофаза қилиш бўйича ўринбосари Нодир Жўраевнинг «Дарё»га билдиришича, ҳомиласи жарроҳлик йўли орқали олинган марҳума антибиотик воситалар таъсирида вафот этган бўлиши мумкин.
Марҳуманинг ўлими сабабларини аниқлаш мақсадида судга оид тиббиёт экспертизаси тайинланган.Ҳозирда Бухоро шаҳар прокуратураси томонидан терговга қадар текширув ҳаракатлари олиб борилмоқда.
Эслатиб ўтамиз, 2019 йилнинг июлида Ургутда ҳомиладор аёл туғруқ вақтида вафот этган, 2020 йилнинг августида Фарғонада 33 ёшли ҳомиладор аёл ўлимига сабабчи бўлган шифокорга суд ҳукми ўқилган, 2021 йилнинг мартида эса Хоразмда 36 ёшли аёл ва унинг чақалоғи туғруқ вақтида вафот этганди.
Мавзуга доир: Андижондаги туғруқхонада ёш она ўзини осиб қўйди
Изоҳ (0)