Марҳум спортчи, 2012 йилда ўтказилган самбо бўйича ўсмирлар ўртасидаги жаҳон чемпионати ғолиби Камолиддин Расулов ўлими юзасидан 2022 йилнинг 8 февраль куни бошланган суд мажлиси 14 март куни якунига етди, дея хабар берди «Дарё» мухбири.
Жиноят ишлари бўйича Учтепа туман суди судланувчи Шуҳрат Тўрабоевни марҳум спортчи Камолиддин Расуловни ўлдирганликда айбдор деб топиб, уни 15 йил муддатга озодликдан маҳрум қилди.
Мавзуга доир: Прокурор марҳум спортчи Камолиддин Расулов ўлимида айбланаётган шахсни 20 йилга озодликдан маҳрум қилишни сўради
Судья суд ҳукмидан норози томонлар ҳукм эълон қилинган кундан бошлаб, маҳкум ва жабрланувчининг қонуний вакиллари эса ҳукм нусхасини олган кундан бошлаб 20 сутка ичида Тошкент шаҳар судининг аппелация инстанциясига шикоят бериши мумкинлигини тушунтирди.
Самбо бўйича жаҳон чемпиони 29 ёшли Камолиддин Расулов 2021 йилнинг 13 сентябрь куни соат 21:30 да Тошкент шаҳрининг Учтепа туманидаги кўп қаватли уйлар олдида бошқа бир спортчи томонидан пичоқлаб ўлдирилганди. Бош прокуратура ахборот хизматининг расмий маълумотида чемпион йигитнинг пичоқланишига унинг гумонланувчи танишига «Ҳумо Троп» витаминини тавсия қилгани, оқибатда эса гумонланувчининг соғлиғи ёмонлашгани, шифокорлар бу касалликнинг давоси йўқлигини билдиргани хабар берилганди.
Жиноят ишлари бўйича Учтепа туман судида сўз олган гувоҳ ҳам таниши, судда айбланувчи сифатида иштирок этаётган Ш.Т. марҳум Камолиддин Расулов тавсия қилган витаминни айтилган миқдордан кўра кўпроқ истеъмол қилгани сабаб соғлиғи ёмонлашганини, кечалари иссиғи чиқиб, ухлолмайдиган бўлиб қолганини айтди. Воқеа содир бўлган куни пичоқдан жароҳатланган спортчини икки киши қувлаб кетаётганини жамоатчиликка ошкор қилган «Марказий студия» кўрсатуви мухбирига интервью берган номаълум суҳбатдош эса витаминни қабул қилган спортчига шифокорлар энди ўласан, деб айтишганини, спортчи шу сабаб мен ўлсам, уям ўлади, дея марҳумни пичоқлаганини айтганди.
Мавзуга доир:
- «Даҳшатли қотиллик кўз ўнгимда икки киши томонидан содир этилди. Аммо иккинчи шахс судда кўринмаяпти». Марҳум спортчи Камолиддин Расуловнинг хотини қотиллик воқеаси ҳақида
- «Аввалига қочди, кейин ўзи таслим бўлди». Марҳум спортчи Камолиддин Расулов ўлими билан боғлиқ воқеани ўрганаётган судда ИИБ ходимлари кўрсатма берди
- Чемпион йигит Камолиддин Расулов ўлимида айбланаётган шахс курашчи Шерали Жўраев билан ҳам адоватда бўлган
- «Ҳар куни ўлиб-тирилгандан кўра ўша куни бир марта ўлишга рози эдим» — пичоқлаб ўлдирилган спортчи Камолиддин Расуловнинг беваси
- «Камолиддин сотган витаминдан сўнг ўртоғимнинг юраги секин ураётгани, жигари катталашгани айтилганди». Марҳум спортчи ўлими юзасидан бўлиб ўтаётган судда дори воқеаси эсга олинди
- «Кимдир ёрдам берармикан, деб йиғлаб ёрдамга чақирдим. Аммо ҳеч ким келмади, ҳатто ППХ ходимлари ҳам қараб туришганди». Тошкентда ўлдирилган спортчининг беваси судда воқеа қандай бўлганини айтиб берди
Изоҳ (0)