Тошкент шаҳрининг Яшнобод туманида содир бўлган йўл-транспорт ҳодисаси оқибатида бир киши ҳалок бўлди, деб хабар беради пойтахт ИИББ матбуот хизмати.
Маълум қилинишича, туманнинг Содиқ Азимов кўчасида 39 ёшли ҳайдовчи Д.К. бошқарувидаги Lacetti йўлни белгиланмаган қисмидан кесиб ўтаётган фуқарони (1962 йилдан туғилган) уриб юборган.
ЙТҲ оқибатида пиёда тан жароҳатлари билан тиббиёт муассасасига олиб борилган. Бироқ кўрсатилган ёрдамга қарамай, у 12 март куни соат 02:40 да вафот этган.
Ҳолат юзасидан Тошкент шаҳар ИИББ Тергов бўлими томонидан Жиноят кодексининг 266-модда (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган. Ҳозирда тергов ҳаракатлари давом этмоқда.
Аввалроқ Тошкентда 70 ёшли фуқаро автобус босиб юбориши оқибатида вафот этгани, Паркентда Lacetti 20 ёшли пиёдани уриб кетиб, ағдарилгани, Жиззахда Cobalt йўлдан ўтаётган аёлни уриб кетгани ва жабрланувчи воқеа жойида вафот этгани тўғрисида хабар берилганди.
Изоҳ (0)