Шу кунларда ижтимоий тармоқларда автомобиль ишқибозларининг автомобиль корпуси сувга тўлаётганлиги ҳақидаги шикоятлари билан мурожаатлари чиқмоқда. Видеомурожаатдан кўриниб турибдики, сув салон ичига тушиб, автомобиль гиламчалари остида тўпланган. Янги автомобилнинг салонида сув тўпланишига автомобиль корпуси техник тешикларининг демонтаж қилингани сабаб бўлган.
Автомобиль моделига қараб, техник тешиклар транспорт воситасининг пастки қисмида ёки двигатель панелида жойлашган бўлади. Уларнинг ҳар бири заводнинг қопқоқлари билан маҳкамланган.
Кўп ҳолларда техник тешикларнинг демонтажи ташқи қурилмалар, масалан, видеорегистраторларни ўрнатиш пайтида юзага келади. Ташқи қурилмаларни ўрнатишда ишончли бўлмаган ёки нопрофессионал мутахассислар тешикларга зарар етказиши мумкин ёки қопқоқлашни бутунлай унитиб қўйишади. Натижада эса «тана»нинг зичлиги бузилади ва бу салон ички қисмига осонлик билан сув киришига олиб келади.
Янги автомобилингизда бундай ҳолатларга йўл қўймаслик ва муаммони бартараф этаман деб қўшимча муаммоларни юзага келтирмаслик учун сертификатланган хизмат кўрсатиш марказларига мурожаат қилиш тавсия этилади.
Автомобиль ишлаб чиқариш жараёнида салонга сув кирмаслиги учун автомобиль кузови турли хилдаги ҳимоя воситалари ва мосламалар билан таъминланган.
Автомобилнинг кузов, корпус қисмларини ишлаб чиқаришда зичлик ва шовқин сездирмаслик учун овоз изоляцияси ишлатилади.
Сувнинг салон ички қисмига киришига йўл қўймаслик учун автомобиль кузовларини бўяшдан олдин, технологик тешик жойларида махсус пломба ва резина тиқинлар ўрнатилади.
Автомобилларни йиғишда айнан электр симларни ўрнатиш жараёни двигатель қисми ва корпуслар орасида, пастки қисмидаги ғилдирак аркаларида ташқаридан салонга ўтиш тешиклари ҳимоя резинаси билан қопланган.
Автомобиль тайёр бўлганда, унинг сувга чидамлилиги махсус сув ўтказмайдиган душ хонасида инжекторлар ёрдамида юқоридан, пастдан, умуман ҳар томонлама сув босими билан синовдан ўтказилади.
Албатта, аноним постлар асосида компаниянинг носозликларни бартараф этиш учун тезкор чоралар қабул қилиши анча мураккаброқ, чунки бунда мулоқот қилувчи шахсни топиш имконияти бўлмайди.
UzAuto Motors маҳсулотига оид барча масалаларнинг жадал ҳал қилиниши учун мижозлардан бевосита компаниянинг ўзига ва унинг дилерларига мурожаат қилиш жараённи тезлаштиради. Қолаверса, бу UzAuto Motors’га ишлаб чиқаришдаги ва дилерлик марказларидаги тизимли муаммоларни аниқлаш имконини беради.
Шунингдек, ишлаб чиқарувчининг стандарт йўриқномаларига кўра, олди-сотди битимини расмийлаштиришдан олдин дилерлар мижоз ҳузурида автомобилни кўздан кечириш кераклигини эътиборга олиши зарур. Ушбу таомил шартномани расмийлаштиришдан олдин тўлиқ жиҳозланганлигини текшириш, шунингдек, автомобилга кафолатли хизмат кўрсатиш шартларини ўрганиб чиқиш имконини беради.
Шу муносабат билан компания харидорларини ушбу таомилга эътиборли бўлишга чақиради.
UzAuto Motors учун ҳар бир мижознинг хавфсизлиги ва қулайлиги муҳим. Биз эҳтимолий шикастланишлар ҳақидаги фото ва видео ахборотни тақдим этаётган фаолларга миннатдорлик билдириб, истеъмолчилар манфаатлари йўлида, уларнинг контактлари компания мутахассисларига тезкор чора кўриш учун тақдим этилади, деб умид қиламиз.
UzAuto Motors корхона маҳсулоти сифати бўйича call-марказга ёки расмий дилерлик марказларига мурожаат қилишни маслаҳат беради.
Call-марказ: +99878 141 77 77
Facebook: UzAutoMotorsOfficial
E-mail: info@uzautomotors.com
Реклама ҳуқуқи асосида.
Изоҳ (0)