Халқаро дзюдо федерацияси (IJF) Россия президенти Владимир Путин ва тадбиркор Аркадий Ротенбергни ташкилотдаги барча лавозимларидан четлатди.
«Халқаро дзюдо федерацияси Владимир Путин ва Аркадий Ротенбергнинг ташкилотда эгаллаб турган барча лавозимларидан четлатилганини хабар қилади», — дейилади федерация баёнотида.
IJF Путиннинг федерация фахрий президенти ва элчиси сифатидаги ваколатларини тўхтатганини маълум қилди.
Ротенберг эса дзюдо федерациясини ривожлантириш бўйича бошқарувчи вазифасини бажарган ва ташкилот ижроия қўмитаси аъзоси бўлган.
Аввалроқ Халқаро бокс ассоциацияси (IBА) россиялик ва беларусликлар боксчиларга халқаро мусобақаларда қатнашишни тақиқлаганди, Бутунжаҳон бокс ташкилоти (WBO), Халқаро бокс федерацияси (IBF), Бутунжаҳон бокс кенгаши (WBC), Бутунжаҳон бокс ассоциацияси (WBA) Украинадаги вазият туфайли Россиядаги жангларни тан олмаслигини маълум қилганди. ФИФА Россия футбол терма жамоасини ЖЧ—2022 ўтиш ўйинларидан, УЕФА эса рус клубларини Еврокубоклардан четлатган эди.
Изоҳ (0)