Гонсало Игуаин: «Футбол жуда ифлос соҳа, ўйинчилар эса бир марталик идиш каби»

АҚШнинг «Интер Майами» клуби ҳужумчиси Гонсало Игуаин футболчиларнинг ҳаёти ҳақида гапирди.

Футболчи қандай бўлиши ҳақида одамлар тасаввур ҳам қила олмайди. Улар шунчаки футбол ўйнаш керак деб ҳисоблайди, лекин бизда ҳам худди сиз каби ота-она бор. Биз ҳам сиз каби азоб-уқубатларни бошдан кечирамиз.

Фаолиятимни якунлаганимдан сўнг футболдан узоқ бўламан. Жуда узоқ. Ҳозир ўйиндан роҳатланишим мумкин, лекин кейинчалик яқин келишни ҳам хоҳламайман. Бу жуда ифлос соҳа. Қандайдир оғриқ ёки умидсизлик эмас, аммо бу мен бўлишни хоҳлаган дунё эмаслигини ҳис қиляпман.

Футболчи — бир марта ишлатиладиган шиша идиш кабидир. У бўшатилади ва кейин эса ташқарига улоқтириб юборилади. Ўйинчи энди йўқ, энди у ёдга ҳам олинмайди.

Ўйнашни бошлаганингда: «Ҳаммаси ажойиб», дейсан. Соҳа ичига кириб боришинг билан ёвузлик, ҳасадни туясан… Ҳаётимда аллақачон муҳим рол ўйнайдиган инсонларим бор: рафиқам ва қизим. Нега яна ўзимни ўша қобиққа тиқишим керак? Йўқ, бу ишни ҳеч қачон қилмайман.

Кутганимдан кўра кўпроқ нарсалар кўрдим, албатта, футбол менга берган нарсалардан миннатдорман, гарчи бу учун ғазаб, доимий муҳокамалар билан тўлов қилган бўлсам ҳам.

Болалигингда эса бу нарсаларни тасаввур ҳам қила олмайсан.

Гонсало Игуаин, «Интер Майами» футболчиси