5 март куни Украина президенти Владимир Зеленский SpaceX раҳбари Илон Маск билан онлайн мулоқот қилди. Бу ҳақда Украина етакчиси ўзининг Twitter’даги саҳифасида ёзган.
«Мен Илон Маск билан гаплашдим. Украинани сўзи ва амали билан қўллаб-қувватлаётгани учун ундан миннатдорман. Келгуси ҳафта биз вайрон қилинган шаҳарлар учун Starlink тизимларининг навбатдаги партиясини қабул қилиб оламиз. Бошқа эҳтимолий космик лойиҳалар ҳақида ҳам гаплашдик, аммо бу ҳақда урушдан кейин айтиб бераман», — деди Зеленский.
https://www.instagram.com/p/CavZPUMgDKJ/
Ўша куни Зеленский АҚШ президенти Жо Байден билан ҳам суҳбатлашган. Зеленскийнинг айтишича, суҳбат чоғида Оқ уй раҳбари билан хавфсизлик, Украинани молиявий қўллаб-қувватлаш ва Россияга қарши санкцияларни давом эттириш масалалари муҳокама қилинган.
Россиянинг Украинага босқини бошлангач, 27 февраль куни Илон Маск Украинани Starlink сунъий йўлдош интернети билан таъминлай бошлаган эди. Украина сервисга уланган 29-давлат бўлди.
Изоҳ (0)