Беларуснинг Брест вилоятида Россия—Украина музокараларининг иккинчи раунди якунига етди. Украина президенти офиси раҳбарининг ёрдамчиси Михаил Подоляк томонларнинг тинч аҳолини олиб чиқиш учун хавфсиз ижтимоий йўлак ташкил қилишга келишиб олди. Подолякнинг музокаралар ҳақидаги мулоҳазалари ёзуви Украина президентининг матбуот хизмати томонидан тарқатилган, деб ёзмоқда Meduza.
«Томонлар тинч аҳоли вакилларини эвакуация қилиш учун ижтимоий йўлаклар ташкил қилишни таъминлаш борасида ўзаро келишиб олди, шунингдек, тиббиёт воситалари ҳамда озиқ-овқатлар ўт очиш вақтинча тўхтатилган пайтда эвакуациялар жараёни билан бирга амалга оширилиши белгилаб олинди», — дея музокаралар якуни юзасидан коммуникени ўқиб эшиттирган Подоляк.
У Украина томонининг ўзи кутган натижаларга эришмаганини қайд этган. Аввалроқ Подоляк Киевнинг ижтимоий йўлаклардан ташқари зудлик билан ўт очишни тўхтатиш ва тинчлик сулҳи тузишни музокараларнинг энг асосий мавзуси деб ҳисоблаётганини билдирган.
Россия делегацияси раҳбари, Россия президентининг ёрдамчиси Владимир Мединский ҳам томонларнинг айрим масалаларда ўзаро келишиб олганини таъкидлаган, дея хабар қилди «Интерфакс». У делегацияларнинг ижтимоий йўлакларни қўллаб-қувватлаш, ушбу эвакуация ҳудудларида ўт очишни вақтинчалик тўхтатиб туриш юзасидан келишиб олинганини тасдиқлаган.
Украина ва Россия музокаралари иштирокчиларининг биринчи учрашуви Украина – Беларусь чегарасида 28 февраль куни ўтказилганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)