АҚШ ҳукумати Россия элитаси, уларнинг оила аъзолари ва компанияларига қарши санкциялар жорий этди. Уларнинг Америкадаги активлари «музлатилади», мол-мулки — блокланади. Бу ҳақда Оқ уй матбуот хизмати хабар берди.
Санкциялар рўйхатига тушганлар:
- Россия президентининг матбуот котиби Дмитрий Песков;
- Миллиардерлар Аркадий ва Борис Ротенберглар;
- USM Holdings асосчиси Алишер Усмонов (шунингдек, унинг «Дилбар» яхтаси ва хусусий самолёти);
- «Транснефть» раҳбари Николай Токарёв;
- Тадбиркор Евгений Пригожин;
- «VEB.RF» раиси Игорь Шувалов;
- «Ростех» раҳбари Сергей Чемезов.
Шунингдек, АҚШ 19 нафар россиялик олигарх ва уларнинг 47 нафар оила аъзолари ҳамда яқинларига қарши виза чекловларини жорий этмоқда.
«Дезинформация» учун чекловлар Россиянинг еттита ташкилотига, жумладан, Стратегик маданият жамғармаси, «Ягона Ватан» портали, «Евросиё ритми» нашри ҳамда «Камертон» журналига таъсир қилади. Бундан ташқари, Россия ва Украинадан ушбу тузилмалар билан алоқадор бўлган 26 кишига ҳам санкция қўлланилади.
Эслатиб ўтамиз, Германияда Алишер Усмоновнинг 156 метрлик «Дилбар» яхтаси хатловга олинган, «Эвертон» Алишер Усмоновга тегишли компаниялар билан ҳамкорлик қилишни тўхтатган, шунингдек, у Европа Иттифоқининг Россияга қарши санкциялари рўйхатига киритилган.Аввалроқ Алишер Усмоновга қўлланган санкциялар холдинг компанияларига таъсир қилмаслиги ҳақида ҳам хабар берилганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Мавзуга доир:
- «Битта жойда тўхтаб қолиши ва рублнинг қадрсизланиши»: Россиянинг янги иқтисодиёти энди қандай бўлади?
- АҚШ Россиянинг мудофаа билан боғлиқ 22 та компаниясига нисбатан санкциялар қўллади
- Европа Иттифоқи Россиянинг етти банки SWIFT тизимидан узиб қўйилгани ва мамлакатга евро ажратиш тақиқланганини эълон қилди
Изоҳ (0)