«ПСЖ» Килиан Мбаппени олиб қолишга яна бир бор уриниб кўради.
Журналист Адриэн Греньенинг хабарига кўра, Париж клуби футболчига солиқлардан ташқари йилига 50 миллион евролик маош билан 2024 йилгача мўлжалланган шартнома таклиф қилди.
Агар Мбаппе шартномани узайтиришга рози бўлса, бонус сифатида 100 миллион евро олади.
Аввалроқ Килиан «ПСЖ» тарихида энг яхши тўпурарга айланиш учун клубда қолиши мумкинлиги хабар қилинганди. Франциянинг амалдаги ва собиқ президентлари эса Килиан Мбаппега «ПСЖ»да қолишни маслаҳат берганди.
2021/22 йилги мавсумда Мбаппе Франция чемпионатида 24 та ўйинда иштирок этиб, 14 та гол муаллифига айланган.
23 ёшли Мбаппе 2017 йилда «Монако»дан «ПСЖ»га ижара асосида ўтган эди. 2018 йилда парижликлар 145 миллион еврога футболчини тўлиқ сотиб олган. Мбаппенинг «ПСЖ» билан амалдаги шартномаси 2022 йил ёзида ўз ниҳоясига етади. Аввалроқ ҳужумчининг «Реал»га ўтиши ҳақида бир нечта хабар янграганди.
Изоҳ (0)