Шавкат Мирзиёев 1 март куни ўтказилган видеоселектор йиғилишда Таълим тизимида хотин-қизлар учун яна бир қатор кенг имкониятлар яратилаётгани ҳақида гапирди. Бу ҳақда Президент матбуот котиби хабар қилди.
Қайд этилишича, Янги ўқув йилидан бошлаб магистратурада ўқиётган қизларнинг контракт пуллари тўлиқ бюджетдан қоплаб берилади (23 минг нафар қизга 200 миллиард сўм). Ҳар йили 50 нафар қиз нуфузли хорижий олийгоҳларга бакалавр ва 10 нафари магистратурага юборилади. Ҳар бир вилоятда эҳтиёжманд оила вакиллари, ота ёки онасини йўқотган 150 нафар қизнинг (жами 2,1 минг нафар) таълим контракти маҳаллий бюджетдан тўлаб берилади.
Шунингдек, ёш фарзанди бор талаба-қизларга масофавий ўқишга шароит яратилади. Докторантура йўналишида хотин-қизлар учун ҳар йили камида 300 тадан мақсадли квота ажратилади.
Изоҳ (0)