Давлат хавфсизлик хизматининг Наманган вилояти бўйича бошқармаси ходимлари томонидан прокуратура органлари билан ҳамкорликда ўтказилган тезкор тадбирда танишлари орқали 2 гектар ерни расмийлаштириб бериш учун 200 минг доллар сўраган шахс ушланди, деб хабар беради ЎзА.
Маълум қилинишича, Наманган вилояти қурилиш бош бошқармасининг Давлатобод туман бўлими мутахассиси тадбиркорга мансабдор танишлари орқали мазкур туман ҳудудидан 2 гектар ер майдони расмийлаштириб бериш ҳамда у ерга кўп қаватли уй ва ишлаб чиқариш объекти қуришга рухсат олиб бериш эвазига ундан 200 минг доллар олган вақтида ушланган.
Аввалроқ Сурхондарёда отасига тегишли ерни 32,5 миллион сўмга сотиб юборишга уринган божхона инспектори қўлга олингани, Тошкент туманида ҳокимлик захирасидан 14 сотих ерни 8 минг доллар эвазига олиб беришни ваъда қилган шахс ушлангани, Тошкентда ҳокимлик захирасидаги ерни 420 минг долларга сотмоқчи бўлган корхона ходими қўлга олингани тўғрисида хабар берилганди.
Изоҳ (0)