Сурхондарё вилояти Денов туманида 12 февраль куни яшаш уйида болаларга ноқонуний диний таълим бериб келган шахс қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, шу куни вилоят ИИБ Терроризм ва экстремизмга қарши курашиш бошқармаси ва Денов тумани ИИБ Терроризм ва экстремизмга қарши курашиш бўлими ходимлари томонидан ҳамкорликда тезкор тадбир ўтказилган. Унда К.Ж. исмли шахс 2022 йилнинг январь ойидан бошлаб яшаш хонадонида маҳалласида яшовчи беш нафар вояга этмаган шахсга ҳужра шароитида диний адабиётлардан фойдаланган ҳолда ноқонуний диний таълим бериб келаётгани аниқланган.
Ундан диний адабиётлар холислар иштирокида тегишли тартибда ҳужжатлаштирилиб олинган.
Ҳолат юзасидан терговга қадар суриштирув ишлари олиб борилмоқда.
Мавзуга доир:
Изоҳ (0)