«Халқаро шартномани тасдиқлаш тўғрисида»ги президент қарори қабул қилинди, деб хабар беради Telegram’даги «Ҳуқуқий ахборот» канали.
Қарорга мувофиқ, Ўзбекистон ҳамда Покистон ҳукуматлари ўртасида транзит савдоси тўғрисидаги битим (2021 йил 15 июлда Тошкент шаҳрида имзоланган) тасдиқланган.
Инвестиция ва ташқи савдо вазирлиги, Транспорт вазирлиги ва Давлат божхона қўмитаси ушбу халқаро шартномани амалга ошириш учун масъул ваколатли органлар этиб белгиланган.
Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартнома кучга киргандан кейин Ўзбекистоннинг мажбуриятлари бажарилишини таъминлайди.
Эслатиб ўтамиз, 2021 йилнинг июлида Покистон бош вазири Имрон Хон Ўзбекистонга ташриф буюриб, президент Шавкат Мирзиёев билан тор ва кенгайтирилган тартибда музокаралар ўтказган эди. Ташриф доирасида имзоланган 8 та, хусусан, транзит ва савдо тўғрисидаги ҳужжат алмашилганди.
Мавзуга доир: Шавкат Мирзиёев март ойида Покистонга бориши кутилмоқда
Изоҳ (0)