Қора денгиздаги Украинанинг Одесса вилоятига қарашли кичик орол Змений Россия махсус ҳарбий операциясининг биринчи кунида Россия кучлари томонидан қўлга олинди. Бу ҳақда Украина Давлат чегара хизмати хабар берди.
Идора маълумотларига кўра, 24 февраль куни эрталаб Змений оролига иккита «нотаниш нишон» яқинлашган. Оролдаги Измаил чегара отрядининг ҳарбий хизматчиларидан таслим бўлиш талаб қилинди, дея хабар берди чегара хизмати ва тегишли аудиоёзувни эълон қилди.
Кейинроқ чегара хизматининг хабар беришича, чегарачилар «мудофаани жасорат билан ушлаб турган», уларга ўқ узилган.
Змений денгиз қуроллари ва босқинчиларнинг жанговар самолётларидан ўққа тутилгандан сўнг, оролдаги инфратузилма вайрон бўлди. Бундан ташқари, Украина Қуролли кучлари ҳарбий хизматчилари билан бирга оролда бўлган чегарачилар билан алоқа узилди. Мавжуд маълумотларга кўра, Змений ороли қўлдан берилди.Украина ички ишлар вазири маслаҳатчиси Антон Герашенко Змений оролида ракета ва артиллерия ҳужуми натижасида 13 нафар украиналик чегарачи ҳалок бўлганини маълум қилди. Бундан олдин уларга таслим бўлиш таклиф қилинди, аммо улар рад этди, деди Герашченко ва тегишли аудиоёзувни жойлаштирди.Украина Давлат чегара хизмати
Ёзувда тахминан бир хил сўзлар икки марта такрорланади: «Мен Россия ҳарбий кемасиман. Қон тўкилмаслиги ва ноҳақ қурбонлар бўлмаслиги учун қуролларни ташлаб, таслим бўлишни таклиф қиламан. Акс ҳолда, бомбардимон қилинасиз ва ҳужумга учрайсиз».
Бунинг ортидан шундай жавоб эшитилади: «Россия ҳарбий кемаси, йўқол!». Россия томони ушбу аудиоёзув ҳақда ҳеч қандай изоҳ бермади.
Украина президенти Владимир Зеленский Змений оролини ҳимоя қилган барча чегарачилар ҳалок бўлганини айтди.
Бизнинг Змений оролимизда уни охиригача ҳимоя қилиб, барча чегарачилар қаҳрамонларча ҳалок бўлди. Аммо улар таслим бўлишмади. Уларнинг барчаси вафотидан кейин Украина Қаҳрамони унвони билан тақдирланади. Украина учун жонини фидо қилганлар абадий хотирада қолади.24 февралга ўтар кечаси Россия президенти Владимир Путин Украинани «демилитаризация» ва «денасификация» қилиш бўйича «махсус ҳарбий операция» бошланганини маълум қилди. Украина шаҳарлари ракета ҳужумларига учради. Россия Мудофаа вазирлиги улар тинч аҳолига таҳдид қилмасдан, Украина ҳарбий инфратузилмасини йўқ қилаётганини билдирди. Аммо Украина расмийлари қурбонлар, жумладан тинч аҳоли орасида ҳам борлигини маълум қилди. Ҳарбийлар орасида, Зеленскийнинг сўзларига кўра, бир кунда 137 киши ҳалок бўлган.Владимир Зеленский
Россия—Украина урушига оид тезкор, ишончли янгиликлар ва маълумотларни Дарйўнинг ливе саҳифаси орқали кузатиб боринг → @Daryo_Live
Изоҳ (0)