Украина Қуролли кучларининг ҳаво ҳужумидан мудофаа объектлари ишдан чиқарилди. Бу ҳақда Россия Мудофаа вазирлиги маълумотларига таяниб, «РБК» хабар берди.
«Украина Қуролли кучларининг ҳаво ҳужумидан мудофаа воситалари бостирилди», — дейилади хабарда.
Мудофаа вазирлиги, шунингдек, Украина чегара хизмати ҳарбий хизматчилари Россия бўлинмаларига ҳеч қандай қаршилик кўрсатмаётгани, мамлакат авиация базаларининг инфратузилмаси эса ишдан чиқарилганини маълум қилган.
24 февралга ўтар кечаси Россия президенти Владимир Путин Донбассда «минтақа аҳолисини геноциддан ҳимоя қилиш» учун махсус ҳарбий операция бошланганини маълум қилди. Россияликларга мурожаатида у Кремль Украинани демилитаризация ва деназолификация қилишга интилиши, бироқ Украина ҳудудларини босиб олиш режада йўқлигини айтди.
Путиннинг мурожаатидан сўнг ижтимоий тармоқларда Украинанинг кўплаб шаҳарларида портлашлар содир бўлгани ҳақида хабарлар пайдо бўлди. Украина Ички ишлар вазирлиги раҳбари маслаҳатчиси Антон Герашченко 24 февраль куни эрта тонгда Киев, Харков ва Днепрда ҳарбий инфратузилма объектларига ракета зарбалари берилганини маълум қилди. Россия Мудофаа вазирлиги эса «Украина ҳарбий инфратузилмаси ишдан чиқарилаётганини», мамлакатнинг тинч аҳолисига ҳеч қандай таҳдид йўқлигини эълон қилган.
Изоҳ (0)