«Барселона» ҳужумкор ярим ҳимоячиси Усмон Дембеле каталонлар сафида қолишга тайёр. Ҳозирча у шундай фикрда, дея хабар қилмоқда Diario Sport.
Дембеле қишки трансфер ойнасидаги вазият ва раҳбарият билан келишмовчилик бўлганига қарамасдан уни таркибда олиб қолиб, ўйин амалиёти бераётгани учун Хавидан миннатдор.
«Барселона» Усмон билан янги шартнома борасида келишувга эришишига унчалик ишонмаяпти. Шу билан бирга музокаралар учун эшиклар доимо очиқлиги, лекин биринчи бўлиб қадам ташламаслигини билдирди. Барчаси футболчининг ўзига боғлиқ.
«Кўк-анорранглилар» энди Дембелега қишдагидек шартлар билан янги шартнома таклиф қилмайди.
Маълумот учун, Дембеле январь ойида клуб таклиф қилган шартномани имзоламаслиги ва ёзда эркин агент мақомида жамоани тарк этиш ниятида эканини маълум қилганди, каталонияликлар эса қишки трансфер ойнасида футболчи сотилмаса, мавсумнинг қолган қисмини захира ўриндиғида ўтказишини хабар қилганди. Дембеле туфайли «Барселона» президенти Хоан Лапорта ва Хави ўртасида келишмовчилик юзага келди. Кейинчалик раҳбарият бу борада Хавига тўла эркинлик берди ва мураббий 24 ёшли футболчидан мавсум охиригача ўзи истаганидек фойдаланишига рухсат берди.
Изоҳ (0)