Серхио Рамос «Реал»дан Херард Пике «Барселона»да оладиган маошни талаб қилган.
Diario Sport хабарига кўра, 2021 йилнинг ёзида эркин агент сифатида «ПСЖ» сафига ўтган 35 ёшли ҳимоячи мадридликлар билан янги шартнома борасида музокара олиб бораётганда «Барселона» футболчисининг олаётган маошидан аргумент сифатида фойдаланган.
«Пике катта маош олади, мен худди у каби ёки ундан кўпроқ маош олишни истайман», — деб мурожаат қилган Рамос клуб президенти Флорентино Пересга.
Аввалроқ Херард Каталония клубида солиқлар билан бирга йилига 28 миллион евро маош олиши хабар қилинганди. Шундан сўнг Пике Twitter саҳифасида 2,3 миллион евро кўрсатилган банк чекини кўрсатди ва бу 2021 йилда олган маошининг 50 фоизи эканлигини маълум қилди.
Серхио бир неча йиллар давомида Пике ундан кўп маош олишини билганидан сўнг ҳафсаласи пир бўлган ва ҳатто «Барселона» футболчиларидан ушбу маълумот тўғрилигини тасдиқлашни сўраган. Унга бу ростлиги тушунтирилган.
Рамоснинг «ПСЖ»даги маоши йилига 6 миллион еврони ташкил этади. У «Мадрид»дан йилига 12 миллион евро маош талаб қилган.
Изоҳ (0)