АОКАда Бандлик ва меҳнат муносабатлари вазирлиги мутасаддилари иштирокида ўтган матбуот анжуманида 2022 йилга соҳада амалга оширилиши белгиланган асосий вазифалар ҳақида маълумот берилди.
Қайд этилишича, касбга ўқитиш кўламини 2 баробар ошириш ва 2022—2026 йилларда 1 миллион ишсизни касбга ўқитиш режалаштирилган. Хотин-қизларни касб-ҳунарга ўқитиш 2 бараварга оширилиб, йилига 80 мингга етказилади.
Нодавлат таълим муассасалари билан касб-ҳунарга ўқитишда уларнинг иштироки 30 фоизга етказилади. 185 минг ишсиз доимий иш ўринларига, 192 минг нафари ҳақ тўланадиган жамоат ишларига жалб этилади. 12 минг ногиронлиги бор шахснинг бандлигига кўмаклашилади. Ногиронлиги бор шахсларни ишга олган корхоналар учун 25 миллиард субсидиялар ажратилади.
Миграция соҳасида 50 минг нафар хорижга кетмоқчи бўлган фуқаро касб-ҳунар ва хорижий тилларга ўқитилади. 21 минг нафар фуқарога хорижий давлатларда тан олинадиган малака сертификатларини олиш, йўл чиптасини харид қилиш, ривожланган давлатлар ишчи визасини олиш учун субсидия ажратилади.
160 минг миграциядан қайтган фуқаронинг бандлигига кўмаклашилади, «Ўз келажагим — ўзим инвестор» лойиҳаси доирасида 20 минг нафарини тадбиркорлик фаолиятига комплекс пакет кўринишида кўмаклашишга ёрдам берилади.
Изоҳ (0)