Хоразм вилоятида ҳайдовчилик гувоҳномасига эга бўлмаган 14 ёшли бола рейдга тушди. Бу ҳақда вилоят Йўл ҳаракати хавфсизлиги бошқармаси хабар қилди.
Қайд этилишича, йўл-патруль хизмати ходимлари рейд тадбирлари давомида давлат рақамисиз Malibu автомобилини тўхтатган. Рул ўриндиғида ўтирган бола ўзини 2004 йилда туғилганини айтган. ЙПХ ходимлари ундан ҳайдовчилик гувоҳномасини сўраганда «Гувоҳномам бор, фақат уйда турибди», деб жавоб берган.
Фуқаронинг шахси аниқланган у аслида 2008 йилда туғилгани, мактаб ўқувчиси экани маълум бўлган.
Ўғлининг олдида йўловчи сифатида кетаётган ота билан тушунтириш ишлари олиб борилган. Белгиланган тартибда маъмурий баённома расмийлаштирилиб, автомашина жарима майдонига қўйилган.
Мавзуга доир:
Изоҳ (0)