Аёллар футболи бўйича SheBelieves Cup халқаро ўртоқлик мусобақасида АҚШ терма жамоаси Янги Зеландияни 5:0 ҳисобида тор-мор этди.
Учрашувда қизиқ ҳолат юз берди. «Ливерпуль» аёллар клуби ва Янги Зеландия аёллар терма жамоаси ҳимоячиси Микейла Мур ўз дарвозасини 3 марта ишғол қилди. Қолган икки голга Эшли Ҳетч ва Меллори Пю муаллифлик қилди.
Эътиборлиси, Мур «идеал ҳет-трик» қайд этди, яъни, у чап оёқда, ўнг оёқда ва бош билан дарвозани ишғол қилган. Бунақаси аёллар футболи тарихида ҳозиргача кузатилмаганди.
АҚШ аёллар термаси ушбу ғалабадан сўнг очколари сонини 4 тага етказиб, гуруҳда иккинчи ўриндан жой олди. Янги Зеландия эса гуруҳ аутсайдерига айланди. Биринчи ўринда Исландия аёллар терма жамоаси бормоқда.
Ушбу мусобақа 2016 йилдан буён ўтказилиб келинмоқда. Ҳозирда мусобақада иштирок этиш учун 4 та терма жамоа таклиф қилинади ва улар гуруҳ босқичида ўзаро ўйинлар ўтказади.
Янада кўпроқ футбол ва спорт янгиликларидан boxабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)