Юнон-рум курашчиси Султонбек Элмуродовдан олинган допинг-синамада тақиқланган модда аниқланди. Бу ҳақида Ўзбекистон Миллий антидопинг агентлиги хабар беради.
Элмуродовдан 2021 йил октябр ойида мусобақадан ташқари даврда олинган допинг-синамасида тақиқланган фуросемид моддаси аниқланган.
Шу тариқа Султонбек Бутунжаҳон антидопинг кодексининг 2.1-моддасида кўзда тутилган антидопинг қоидабузарлиги учун 4 йил муддатга дисквалификация қилинди. Қарор 2021 йил 23 декабрдан кучга кирган ва 2025 йил 22 декабрга қадар давом этади.
Аввалроқ дзюдо бўйича Рио-2016 Олимпия ўйинлари совриндори Диёрбек Ўрозбоев допинг сабаб 3 йилга барча мусобақалардан четлатилганди. Белбоғли кураш устаси Мардондек Кимсанов ва каратэ бўйича Осиё чемпиони Нодира Жуманиёзова, самбочи Дилшод Чориев ва ўзбекистонлик 7 нафар оғир атлетикачи допинг сабабли 4 йилга, UFC жангчиси Лилия Шокирова эса 2 йил муддатга дисквалификация қилингани маълум бўлганди.
Изоҳ (0)