Ўзбекистон йўлларида содир бўлган бахтсиз ҳодисалар тафсилотларини тақдим этамиз.
Жиззахда Lacetti жарликка қулаб тушди
Жиззах вилоятининг Бахмал туманида Laсetti автомобили катта жарликдан қулаб тушгани айтилмоқда. Бу ҳақда «Дарё» ўқувчиларидан бири маълум қилди.
Қайд этилишича, воқеа кеча, 13 февраль куни тунги соат 23:00—23:30 атрофида содир бўлган.Воқеа ҳақида айтиб берган «Дарё» ўқувчисининг қўшимча қилишича, воқеа содир бўлган жой Самарқанд вилоятининг Булунғур тумани ҳамда Бахмал тумани оралиғидаги Дўсмат қишлоғидаги жарлик ҳисобланади.
«Бу ерда қишлоқ тўйларининг кўпкариси ўтказиладиган тепалик бор. Воқеа айнан шу тепалик олдидаги жарликда содир бўлган», — дейди у.
Видеодан англашилишича, воқеа жойига кечаси соат 23:30 да етиб келган фуқаро автомобилдагиларнинг бақир-чақир овозини эшитган.
«Мен кечаси соат ўн бир яримда воқеа жойига келганимда, роса бақир-чақир овозини эшитдим», — дейди видеода кўринган фуқаролардан бири.
Видео муаллифи автомобиль қайси жарликдан қулаганини ҳам кўрсатган бўлиб, жарликнинг баландлиги тахминан 150—170 метрни ташкил қилади.
Воқеа ҳақида расмий маълумот берилмаган.
Навоийда Cobalt ҳам пастликка тушиб кетди
2022 йил 14 февраль куни соат 16:00 ларда Навоий вилояти Хатирчи тумани «Навбаҳор» МФЙ ҳудудидан ўтган 4П-56а автомобиль йўлининг 2-километрида ҳайдовчи (1990 йилда туғилган) Ф.П. Хатирчи–Олтинсой йўналишида Cobalt русумли автомобилда ҳаракатланаётиб бошқарувни йўқотиши оқибатида йўлдан чиқиб кетиб, транспорт воситаси пастликка тушиб кетган.
Ушбу ҳодиса оқибатида тан жароҳати олган фуқаролар йўқ.
Мазкур ЙТҲ юзасидан Хатирчи тумани ИИБ ЙҲХБ ходимлари томонидан суриштирув олиб борилмоқда.
Изоҳ (0)