Ҳиндистонлик миллиардер Гаутам Адани Осиёнинг энг бой одамига айланди
Кичик бизнес тижоратини кўп тармоқли портлар, шахталар ва «яшил» энергия бизнесига айлантирган ҳиндистонлик миллиардер Гаутам Адани Осиёнинг энг бой одамига айланди.
59 ёшли бизнес магнатининг соф даромади душанба куни 88,5 млрд долларга етди. Шахсий даромади бўйича қарийб 12 млрд доллар бойлик билан олдинга чиққан Адани йилнинг энг бой одамлари қаторидан жой олди.
Ўзининг баҳс-мунозарали Австралия шахта лойиҳаси билан иқлим муҳофазаси бўйича фаол жамоатчиларнинг, шу жумладан, Грета Тунбергнинг танқидига учраган кўмир магнати қазилма ёнилғи соҳасини кенгайтириш мақсадини ҳамон кўзламоқда.
У қайта тикланувчан энергия манбалари, аэропортлар, маълумотларни қайта ишлаш марказлари ва Ҳиндистон бош вазири Нарендра Моди томонидан ҳам давлат қурилиши ва мамлакат иқтисодиёти учун ҳал қилувчи масала деб таъкидланган муҳофаза шартномаларига ўтмоқда.
The Аdani Group ўз вақтида барча ривожланаётган соҳаларни аниқлади ва уларни эгаллади, бу эса портфел инвестицияларга эга танланган хорижликлар гуруҳини ўзига жалб қилди. Мазкур секторлар катта сармояларни талаб қилади, компания эса маблағларни ўзига жалб қилиш ва соҳани кенгайтиришда катта қийинчиликларга учрамади, — дейди Мумбайдаги HDFC Securities Ltd. брокерлик компаниясининг чакана савдо тадқиқотлари бўлими раҳбари Дипак Жасани.
Адани Group’нинг баъзи акциялари унинг ҳаракатлари «яшил» энергетика ва инфратузилмалар соҳасида қопланганлиги сабаб сўнги икки йил мобайнида 600 фоиздан кўпроқ ошди. Ҳамонки Моди иқтисодиётни 2,9 трлн долларга етказиш ва Ҳиндистоннинг углерод чиқиндиларни 2070 йилга келиб нолга тушириш мақсадини рўёбга чиқаришга умид қилади.
МСSI Inc.нинг Аданининг кўпроқ компанияларини Ҳиндистон бенчмарк индексига киритиш тўғрисидаги қарори ҳам индикаторларни кузатувчи ҳар қандай фонднинг акцияларни сотиб олишга мажбур эканлигини англатади.
