Туркия томонидан Украинага учувчисиз бошқариладиган Bayraktar жанговар аппаратларининг етказиб берилиши катта хато ҳисобланади. Бу ҳақда «Ватан» партияси бош котиби Доғу Перинчек маълум қилди, деб хабар беради Son Dakika.
Сиёсатчининг фикрича, охир-оқибат Киев мазкур қуроллардан нафақат Россияга, балки Туркиянинг ўзига қарши фойдаланади.
«Туркия томонидан Украинага Bayraktar учувчисиз бошқариладиган учиш аппаратларининг етказиб берилиши катта хатодир. Ушбу қуролланиш охир-оқибат нафақат Россияга, балки Туриянинг ўзига қарши ишлатилади», — дейди у.
3 февраль куни президент Владимир Зеленский Киев ва Анқара Украинада Bayraktar дронларини ишлаб чиқаришни кенгайтириш бўйича келишувга эришганини маълум қилганди. Сиёсатчи бу борадаги битимнинг имзоланиши янги иш ўринларини яратиши ва мамлакат мудофаа қобилиятини оширишини таъкидлаган.
«Ватан» партияси — Туркиядаги сўл миллатчилар партияси ҳисобланади. Партия ўзини «авангард» деб таърифлайди ва ўз мақсади сифатида социалистлар, инқилобчилар, турк миллатчилари ва камолчиларни бирлаштириш эканини даъво қилади. Америкага қарши, россияпараст ва хитойпараст йўналишга амал қилади, Эрон ва Шимолий Корея каби давлатлар билан муносабатларни мустаҳкамлашга чақиради.
Изоҳ (0)