Наманган вилояти ҳокимининг собиқ ўринбосари Икромжон Каримов 75 ёшида вафот этди. Бу ҳақда «Дарё» мухбири Азизбек Абдувалиев хабар бермоқда.
Икромжон Каримов 1947 йилда Наманган шаҳрида туғилган. Мактабни битиргач, институтда таълим олиб, олий маълумотли йўлсоз-муҳандис бўлиб етишган. Меҳнат фаолиятини йўл-лойиҳа бўлими бошлиқлигидан бошлаб, Наманган вилоят ҳокимининг қурилиш бўйича ўринбосари лавозимигача бўлган босқичларни босиб ўтди.
Икромжон Каримов узоқ йиллар мобайнида республика ва вилоят йўл қурилиши ташкилотларида раҳбарлик вазифаларида ишлаганди. Мамлакатда замонавий автомобиль йўллари тармоғи барпо этилишига муносиб ҳисса қўшди. Кўп йил Наманган вилоят автомобиль йўллари қуриш ва улардан фойдаланиш бошқармаси (ҳозирги «Наманганавтойўл»)га бошчилик қилди.
Кейинчалик Наманган вилоят ҳокимининг қурилиш масалалари бўйича ўринбосари, Косонсой тумани ҳокими вазифаларида ҳам фаолият олиб борди. У бир муддат Ўзбекистон Республикаси Олий Мажлиси Сенатининг аъзоси ҳам бўлган.
Изоҳ (0)