Тошкент вилоятида хонадонда сақланаётган 45 килограмм гиёҳвандлик воситаси фош этилди, деб хабар бермоқда вилоят Ички ишлар бош бошқармаси.
Қайд этилишича, вилоят ИИББ ва Янгийўл шаҳар ИИБ Жиноят қидирув бошқармаси ходимлари томонидан «Хавфсиз ҳудуд» тезкор профилактик тадбири ўтказилган. Унда Янгийўл шаҳар «Қовунчи тепа» маҳалласида яшовчи А.Қ.нинг (1977 йилда туғилган) яшаш хонадони холислар иштирокида кўздан кечирилган.
Натижада фуқаро уйининг омборхонасида 8 қоп ва 2 картон қутига вазни, тахминан, 25 килограмм, хонадоннинг томига 20 килограмм марихуана яширилгани аниқланган. Мазкур модда холислар иштирокида далилий ашё сифатида олинган.
Ҳолат юзасидан А.Қ.га нисбатан Жиноят кодексининг 25-, 273-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек, уларни қонунга хилоф равишда ўтказиш) 5-қисми билан жиноят иши қўзғатилган. Тергов ҳаракатлари олиб борилмоқда.
Мавзуга доир:
- «Афғонистондан 13 тоннадан ортиқ наркотик Термизга кириб келган». ДХХ истеъфодаги полковниги «Гиннесс рекордлари китоби»га киритилиши мумкин бўлган жиноятни гапириб берди
- Тошкент вилоятида 77 кг гиёҳвандлик воситасини картошка кўринишида яширган наркокурьерлар ушланди (видео)
- Қорақалпоғистон, Самарқанд ва Наманганда гиёҳванд моддаларни мамлакат ҳудудига олиб кирган шахслар қўлга олинди
Изоҳ (0)