Ўзбекистонга 28 январь, жума куни Эрон ҳудудларидан нам ва салқин ҳаво массалари кириб келиши кутилмоқда, деб хабар беради Республика Гидрометеорология маркази. Мамлакат бўйича баъзи жойларда ёмғир ёғади, шимолда қорга айланади, фақат Фарғона водийси вилоятларида ёғингарчилик кутилмайди. Ҳаво ҳарорати 7-12 даража илиқ атрофида бўлади.
29 январь, шанба куни салқин ҳаво массалари шарққа силжийди. Қорақалпоғистонда, Хоразм, Бухоро вилоятларида ёғингарчилик тўхтайди, фақат республиканинг жанубий ва марказий туманларида кечаси ва эрталаб об-ҳавонинг беқарорлиги сақланиб туради. Фарғона водийси вилоятларида кун давомида ёмғир ёғиши кутилмоқда. Кундуз кунги ҳаво ҳарорати 3-8 даража илиққача пасаяди.
28—29 январда республика бўйича шамол тезлиги 17-22 метр/секундгача кучайиши кутилмоқда. 28 январда Бухоро, Навоий, Қашқадарё, Жиззах вилоятларида 25-28 метр/секундгача, 29 январда Сурхондарё, Фарғона, Наманган, Андижон вилоятларида 17-22 метр/секундгача кучайиши мумкин.
Якшанба куни республика бўйича қуруқ ва салқин об-ҳаво бўлиши кутилмоқда. Кечаси ва эрталаб баъзи жойларга туман тушади. Ҳаво ҳарорати кечаси 3 даража совуқ-2 даража илиқ, кундузи 3-8 даража илиқ атрофида бўлади.
Тоғолди ва тоғли ҳудудларда 28—29 январда ёғингарчилик бўлади, баъзи жойларда кучайиши мумкин, 30 январда ёғингарчилик кутилмайди. 28—31 январда республиканинг тоғли ҳудудларида қор кўчиши хавфи бор.
Изоҳ (0)