Дунёнинг машҳур ва етакчи телеканалларидан бири — Eurosport’да Tashkent City Professional Cycling Team велоспорт жамоасининг реклама кампанияси ўтказилмоқда. Бу нафақат велоспорт ва соғлом турмуш тарзини тарғиб қилиш, балки Ўзбекистоннинг туризм салоҳиятини юксалтиришга туртки бера олади.
Туризм ва спорт вазирлиги, Ўзбекистон велосипед спорти федерацияси ва UzReport TV телеканали кўмагида дунёнинг машҳур ва етакчи телеканалларидан бири — Eurosport’да Tashkent City Professional Cycling Team жамоаларининг реклама кампанияси ўтказилмоқда.
Пойтахт кўчаларида суратга олинган 5 ва 15 сонияли реклама роликлари Европа, Яқин Шарқ ва Россия каби 50 дан зиёд мамлакатларда, турли тилларда намойиш этилмоқда. Бу эса нафақат велоспорт ва соғлом турмуш тарзини тарғиб қилиш, балки Ўзбекистоннинг туризм салоҳиятини юксалтиришга туртки бера олади. Негаки кадрларда пойтахтимизнинг кўрки ҳисобланган иншоотлар, хусусан, Tashkent City замонавий бизнес маркази каби йирик объектлар намойиш этилмоқда.
Маълумот учун, реклама кампанияси 26 февралга қадар давом этиб, бу вақт мобайнида Пекиндаги қишки Олимпия ўйинлари ва 20—26 февраль кунлари БААда бўлиб ўтадиган велотур баҳсларини қамраб олади. Мазкур видеороликларни Eurosport’нинг ижтимоий тармоқларида ҳам кузатиш мумкин.
Айтиб ўтиш лозимки, Ўзбекистон Президентининг 2021 йил 24 сентябрда қабул қилинган «Велоспортни ривожлантиришга доир комплекс чора-тадбирлар тўғрисида» (ПҚ 5251) қарори билан Tashkent City Professional Cycling Team ва Tashkent City Professional Women Cycling Team профессионал велоспорт жамоалари ташкил этилган эди.
Бугунга келиб, ушбу жамоалар халқаро мусобақаларда Ўзбекистон шарафини ҳимоя қилиш учун Халқаро велосипедчилар иттифоқи (UCI) лицензиясини ҳам қўлга киритган.
Реклама ҳуқуқи асосида.
Изоҳ (0)