Тошкент метроси ўз фаолиятини тиклади

«Тошкент метрополитени» пойтахт метроси ўз фаолиятини тўлиқ тиклаганини эълон қилди.

Қайд этилишича, 26 январь куни тонгги соат 05:00 дан метро белгиланган режа жадвали асосида йўловчиларни доимгидек ўз манзилига етказишни бошлади.

Эслатиб ўтамиз, Ўзбекистоннинг қатор вилоятларида 25 январь куни соат 11:00 ларда электр энергияси таъминоти узилгани сабаб Тошкент метрополитени фаолияти вақтинча тўхтаганди.

Фавқулодда вазиятлар вазирлиги метро вагонлари ичида қолиб кетган фуқаролар олиб чиқилганини маълум қилди. Жумладан, «Машинасозлар» (135 нафар), «Бодомзор-Минор» (70 нафар) ва «Амир Темур» (210 нафар) бекатлари оралиғида (вагонлар ичида) қолиб кетган жами 415 нафар йўловчи олиб чиқилган.

Энергетика вазирлигининг маълум қилишича, 26 январь  соат 02:00 га келиб Тошкент шаҳрида электр таъминоти тўлиқ тикланди.