Боксчи Муҳаммад Жавод Вафои 2019 йил ноябрь ойида Эронда бўлиб ўтган ҳукуматга қарши намойишларда қатнашгани учун ўлим жазосига ҳукм қилинди.
Суд қарори ҳақида журналист ва активист Маси Алинажод ўз Twitter саҳифасида маълум қилди.
«2019 йил ноябрь ойида Эрондаги намойишларда қатнашгани учун яна бир спортчи ўлимга ҳукм қилинди. Муҳаммад Жавод, 26 ёш, бокс бўйича чемпион.
Улар боксчини ‘ер юзида коррупцияни тарқатиш’ айби билан ўлим жазосига ҳукм қилди. Биз эронлик жангчи Навид Афкарини қутқариб қололмадик. Бу сафар бутун дунё спортчилари бизга ёрдам бериши мумкин», — деб ёзиб қолдирди Алинажод ўз саҳифасида.
Экспертларнинг қайд этишича, «ер юзида коррупцияни тарқатиш» айби билан ўлимга ҳукм қилиш кўпинча мухолифларга қарши қўлланилади.
2020 йилда 27 ёшли курашчи Навид Афкари норозилик намойишларида қатнашгани учун ўлим жазосига ҳукм этилганди. Эрон суди Афкарини нафақат ҳукуматга қарши митингларда қатнашишда, балки 2018 йилда Шираз шаҳрида қўриқчини ўлдиришда ҳам айбдор деб топган.
Изоҳ (0)