Самарқанддаги ташландиқ мактабгача таълим муассасаси биносида қотиллик содир бўлди
Ижтимоий тармоқларда Самарқанд вилояти Паст Дарғом тумани «Истиқбол» маҳалласида икки нафар қиз дўппосланиб, биттаси ўлдирилиб, сўнгра ёқиб юборилгани тўғрисида хабар тарқалди. Бош прокуратура «Дарё» сўровига кўра мазкур ҳолатга аниқлик киритди.
Маълум бўлишича, 2022 йилнинг 7 январь куни соат тахминан 00:00 атрофида М.Н. (2002 йилда туғилган, вақтинча ишсиз) ва М.Т. (2001 йилда туғилган) исмли йигитлар М.Қ. (1997 йилда туғилган) ва Д.Й. (1994 йилда туғилган) исмли таниш аёлларни Паст Дарғом тумани «Истиқбол» маҳалласи ҳудудида фаолият кўрсатмасдан келаётган ташландиқ мактабгача таълим муассасаси биносига олиб борган.
У ерда маст ҳолатда келишмовчилик сабабли ўзаро жанжал юзага келган. Оқибатда йигитлар ошхона пичоғи билан Д.Й.нинг турли соҳаларига бир неча маротаба уриб, қасддан ўлдирган. Сўнгра мурдани ёқиб юборган.
М.Н. ва М.Т.га нисбатан Жиноят кодексининг 97-моддаси 2-қисми «п» банди (бир гуруҳ шахслар ёки уюшган гуруҳ аъзоси томонидан ёхуд ўша гуруҳ манфаатларини кўзлаган ҳолда қасддан одам ўлдириш) билан жиноят иши қўзғатилиб, улар Жиноят процессуал кодексининг 221-моддаси тартибида ушланган.
Мавзуга доир:
Изоҳ (0)