Футбол бўйича Италия чемпионатининг 21-туридан ўрин олган бир қатор учрашувлар 9 январь, якшанба куни бўлиб ўтди.
Турнинг марказий ўйини «Рома» ва «Ювентус» жамоалари ўртасида кечди. Учрашувнинг 11-дақиқасида Тэмми Абраҳам римликларни олдинга олиб чиққан бўлса, 18-дақиқада Пауло Дибала мувозанатни тиклади.
Иккинчи бўлим дебютида «Рома» Генрих Мхитарян ва Лоренцо Пеллегринининг голлари эвазига иккита тўп фарқи билан олдинга ўтиб олди. Бўлим ўрталарига келиб туринликлар етти дақиқа ичида учта тўп киритган ҳолда ҳисобни ўз фойдасига ўзгартирди.
81-дақиқада ўз жарима майдонида қўл билан ҳаракат қилган «Ювентус» ҳимоячиси Matteйс де Лигт иккинчи сариқ карточкасини олиб, майдондан четлатилди. Белгиланган пенальтини Пеллегрини голга айлантира олмади.
«Ювентус» ушбу ғалабадан кейин очколарини 38 тага етказиб олди ва 5-ўринда бормоқда. «Рома» (32) эса 6-поғонада қолди.
«Наполи» ўз уйида «Сампдория»ни минимал ҳисобда мағлуб этган бўлса, «Аталанта» 8 та гол урилган ўйинда «Удинезе»ни таслим этди.
А Серия тақвими, тўпурарлари рўйхати, онлайн жадвалларини бу ерда кўриш мумкин — ҳавола.
А Серия
21-тур баҳслари
9 январь, якшанба
«Рома» – «Ювентус» 3:4
Голлар: 1:0 – 11 Абраҳам, 1:1 – 18 Дибала, 2:1 – 48 Мхитарян, 3:1 – 53 Пеллегрини, 3:2 – 70 Локателли, 3:3 – 72 Кулусевски, 3:4 – 77 Де Шилё.«Рома»: Руй Патрисиу, Смоллинг, Рожер, Виня, Мхитарян, Верету (Карлес Перес, 78), Кристанте, Пеллегрини (Майораль, 88), Мэйтленд-Найлз, Абраҳам, Афена-Гьян (Шомуродов, 71).
«Ювентус»: Шченсни, Ругани, де Лигт, Де Шилё, Локателли, Бентанкур (Артур, 63), Маккенни, Куадрадо, Дибала (Кьеллини, 82), Кин (Мората, 64), Кьеза (Кулусевски, 32).
Огоҳлантиришлар: Куадрадо (45), Верету (50), Рожер (51), де Лигт (52), Локателли (65), Кристанте (76).
Четлатиш: де Лигт (81).
Изоҳ (0)